Das isch mi Familie! Mi Ma Peter schaffet bir Ofenfabrik Schenk z Langnau u isch mir daheime e grossi Hilf u tuet geng viu für mi. I bi dankbar e settige liebe Ma a minere Site z ha! Der Adrian isch rächts näbe mir u het Jahrgang 1995. Är isch zuständig für Vertrib vor bekannte Viehhüetermarke Gallagher. Er isch e ufgstellte u läbensfrohe junge Ma! Är singt im JK Grosshöchstette im 1te Bass u wes d Höchi zuehlaht 2. Jutz. Uf mire andere Site isch mi zweit Sohn dr Michael. Mit Jahrgang 1998 isch är dr Jünger u hett z KV ir Nestlé glehrt . Im Moment isch är grad ir Rekruteschueu als Panzerfahrer. Michael isch sehr e hilfsbereite u lachet für z Läbe gärn. Är spilt sit mängem Jahr Klavier i die klassischi Richtig, lost aber glich o no öppe üser Lieder a. Vor paarne Jahr het är o no mit üs im Quartett gsunge! Die hübschi Dame ufem Wägeli sich mini Hobbyschwigertochter d Nadia. Si het es wunderschöns Bluemegschäft z Steffisburg wo sech" Pusteblume" nennt. Zwüschedüre gani ihre öppis ga Hälfe  u fröiemi jedes mal öppis  z gänggele. D Nadia isch eifach e sehr liebe Mönsch wo me gärn hett. I bi froh das mir di hei, mir singe ds Läbe gärn mit dir. Dr zwöit ufemWägeli isch mi Grosshund dr Blue.